Við erum byrjuð að pakka!</h1> <article> <h1>Við erum byrjuð að pakka!</h1> <p>Thu, 03 May 2007 12:03:29 GMT</p> <p>Enda styttist heldur betur í heimkomu. Hlökkum til að sjá ykkur í næstu viku!</p> <p> </p> <p></p> </article> <article> <h1>Heimsóknartími á H.C. Orstedsvej</h1> <p>Tue, 17 Apr 2007 14:16:34 GMT</p> <p>Já það er heldur betur búið að vera gestkvæmt síðustu daga og ekkert lát þar á. Mamma, pabbi og Harpa voru hjá okkur yfir páskana og fóru mamma og pabbi svo heim á miðvikudaginn síðasta en Harpa var eftir. Það var yndislegt að fá þau og komu þau hlaðin íslenskum mat, nammi og öðrum gjöfum. Ekki slæmt það! Við höfðum það voða næs, leigðum meðal annars bíl og fórum upp á Jótland og gistum þar. Eina sem ekki var nógu gott var veðrið en það snarlagaðist um leið og mamma og pabbi stigu upp í flugvélina og er búið að vera hreint frábært síðan. Heppin þau. :lol:</p> <p></p> <p>Við Harpa og Emilíana höfum því haft það frekar næs sl. daga og sleikt sólina í mörgum þessara yndislegu garða sem eru út um allt í Köben. Frábært alveg að hafa litlu systur hjá sér. Hitinn fór upp í 25 gráður í gær og er brúnkukeppnin hafin hér á bæ. Þarf ekki að taka það fram hver hefur yfirburðar forskot.</p> <p></p> <p>Á fimmtudaginn koma svo Erna systir og Úlfar auk Mæju og Guðgeirs tengdó. Mæja og Guðgeir eru að koma hingað í árshátíðarferð og verða því á hóteli þannig að það verður ekki alveg eins þröngt á þingi og við mætti búast. Eftir helgina verður svo "gestalaust" hjá okkur í heila 3 daga en þá kemur Gummi tengdó og verður hjá okkur í nokkra daga og gistir svo á hótli með Hrabbý en hún er líka á leið í árshátíðarferð hingað.</p> <p>Svo það er nóg að gera og skemmtilegir tímar framundan.</p> <p><a href= "http://emilianamargret.barnaland.is/album/488268/img/20070417133824_6.jpg"> </a></p> <p>Kaupmannaævintýri okkar fer svo senn að ljúka en við komum sennilega heim 10. maí....ekki laust við smá bakþannka þegar veðrið er svona. Okkur hlakkar samt auðvitað rosa til, verður yndislegt að hitta allt fólkið sitt á nýjan leik.</p> <p> </p> </article> <article> <h1>Summertime</h1> <p>Sat, 31 Mar 2007 07:46:28 GMT</p> <p> </p> <p>Dagurinn í gær var hreint út sagt frábær. Gísli var í fríi í vinnunni og Emilíana fór í síðasta sinn á leikskólann og nutum við þess því í botn að vera barnlaus í nokkra klukkutíma. Veðrið var æði og var hjólað niður í bæ, löbbuðum við skötuhjúin svo niður Strikið og settumst við Nýhöfnina í hádeginu. Sumarstemmingin niðri í bæ var engu lík, götulistamenn út um allt, blóma- og ávaxtasalarnir komnir út á torg og borðin fyrir utan kaffihúsin full af fólki. Vorilmurinn í loftinu fullkomnaði svo stemminguna enda trén farin að sprynga út.</p> <p></p> <p></p> <a href= "http://www.picturetrail.com/gallery/view?&p=999&uid=8438955&gid=15706552&&imgid=242001674" onclick="picClicked(this);"></a> <p><em> Stoppuðum á Ráðhústorginu til að hlusta á götulistamenn</em></p> <p>Ég hef ekki tölu á því hvað við Gísli töluðum oft um í gær hvað þetta væri æðislegt og vorum já satt að segja með pínu bakþannka yfir að vera að flytja heim. Það er bara ekki annað hægt á svona degi. Á svona degi er ekki annað hægt en að elska Kaupmannahöfn og lífið.</p> <p></p> <p><em>Sóttum litla orminn okkar á leikskólann um tvö leitið</em></p> <p>Um helgina er svo spáð 15 stiga hita og sól (setti einmitt tengil á veðurspánna í Köben hér til hliðar). Gísli fór til Silkiborgar að keppa og við Emilíana ætlum niður í bæ á eftir og kaupa okkur sumarföt. 8)</p> <p>Góða helgi!</p> <p> </p> </article> <article> <h1>"Breyttir tímar"</h1> <p>Sun, 25 Mar 2007 22:54:08 GMT</p> <p>Vorið er sko komið í Köben en veðrið í dag var frábært. Við vorum niðri í bæ í allan dag og nutum blíðunnar, horfðum á fólkið og settumst (út) á kaffihús. Vonandi svo að það komi ekkert páskahret því um Páskana fer allt að fyllast af gestum hjá okkur.</p> <p>Í dag breyttist svo tíminn og erum við núna 2 tímum á undan Íslandi spurning hvort að sumarið komi alltaf þennan dag hér í DK?</p> <p>Erum annars búin að eiga fína helgi. Gísli spilaði leik í gær sem þeir unnu :D stóð sig svaka vel strákurinn.</p> <p>Í dag 25. mars varð Thea Mist litla frænka okkar 1 árs og Ómar Björn vinur okkar 3 ára - til hamingju með það sætu!</p> <p></p> <p>Thea í stuði :) </p> <p>Helga Lára frænka náði svo þeim stóráfanga í lífinu í dag að fermast. Innilegar hamingjuóskir til þín Helga og fjölskyldunnar. Leiðinlegt að hafa ekki komist.</p> <p>Skellti inn söngmyndböndum af Emilíönu sem voru tekin í sl. viku:</p> <p><a href= "http://www.youtube.com/watch?v=nkGFuyXHkaA">http://www.youtube.com/watch?v=nkGFuyXHkaA</a></p> <p><a href= "http://www.youtube.com/watch?v=9HyD2JUuTko">http://www.youtube.com/watch?v=9HyD2JUuTko</a></p> <p>Vorkveðjur frá Köben.</p> </article> <article> <h1>Skipasund</h1> <p>Mon, 19 Mar 2007 09:28:32 GMT</p> <p>Við vorum að festa kaup í efri hæðinni í þessu fallega húsi!</p> <p></p> <p>Fáum það afhent 1.júní og erum auðvitað svaka spennt. Kannski við flytjum bara inn?</p> <p> </p> <p>Anna Birna skemmtanalögga nr. 1 á Íslandi á afmæli í dag....27 ára skvísan! Birna sæta átti svo líka afmæli á laugardaginn. Til hamingju elskurnar mínar!</p> <p>Ingalillý & family eru á leið til NY á eftir. Eru að fara í siglingu um Karabískahafið. Ég öfunda þau ekkert eða kannski bara smá!! Góða ferð, þetta verður án efa frábært hjá ykkur.</p> <p>Það er farið að vora hér í Köben ef einhver skyldi ekki hafa heyrt af því. Það var sól alla síðustu viku og sólskinsglottið fór ekki af mér frekar en öðrum hér. Það var eiginlega svona íslenskt maí-veður. Við erum líka farin að vakna á slaginu 7 hérna því að fuglasöngurinn er orðinn svo mikill. Yndislegt! Í dag er svo komið rok og sól a.k.a gluggaveður. Það er líka svoldið mikið íslenskt. Hvað ég væri til í að sumarið á Íslandi kæmi jafn snemma og væri jafn gott og hér. Þá væri ég í alls engum vafa hvar ég ætti að búa.</p> <p> </p> <p> </p> <p> </p> </article> <article> <h1>Hún á afmæli í dag...</h1> <p>Tue, 13 Mar 2007 10:09:07 GMT</p> <p>Erna elsku besta systir mín er 22 ára í dag. Innilega til hamingju með daginn elsku Erna mín!!!</p> <p>Það þarf ekki að taka það fram að Erna er frábær í alla staði og hrein forréttindi að geta átt svona góðan vin að systur. Alltaf tilbúin að hjálpa systur sinni og ekki að ástæðulausu að Emilíönu finnst hún æði. Erna er líka ein sú duglegasta manneskja sem ég þekki, mikil keppniskona og á án efa eftir að komast langt í lífinu. (Og Erna ég er ekki bara að segja þetta af því að þú sendir mér fullan kassa af nammi og flíspeysu í síðustu viku (þó það hafi auðvitað sitt að segja þú veist)).</p> <p></p> <p> </p> <p>Ég veit hvað ég er heppin að eiga þig að Erna mín þó svo að ég hafi þurft að þola nokkur ár þar sem þú hékkst í skottinu á mér og heimtaðir meira að segja að fá að horfa á mig og vinkonur mínar í Barbie o.fl. skemmtilegt. Þú hefur nú sem betur fer þroskast síðan og það er meira að segja alveg hægt að tala við þig orðið (nokkur ár síðan reyndar).</p> <p>Ég vildi að ég gæti komið þér á óvart og mætt til Íslands í dag eins og þú gerðir á minn afmælisdag núna síðast. Oh hvað það var æði! Manstu hvað við vorum æstar yfir þessu, vöknuðum kl. 7 morguninn eftir eins og smákrakkar og fórum út að hjóla í góða veðrinu hér í Köben. Eðlilegar systur!</p> <p>Eigðu yndislegan dag sæta mín og láttu nú Valla stjana við þig! Emilíana og Gísli senda þér þúsund kossa.</p> <p>Lov jú og miss jú!</p> <p>Berglind.</p> </article> <article> <h1>Veikindapésar</h1> <p>Thu, 01 Mar 2007 08:35:18 GMT</p> <p>Jæja við vorum nú loksins farin að sjá fyrir endann á þessu veikindastússi, Emilíana loksins orðin góð af hlaupabólunni og fór í leikskólann á mánudaginn. Hún slapp nokkuð vel og var bara nokkuð hress þessa einu og hálfu viku sem þetta stóð yfir. Fínt að vera búin að fá þetta fyrst þetta er sem betur fer eitthvað sem maður fær bara einu sinni á ævinni.</p> <p>Það virðist ætla að sanna sig hjá okkur eins og öðrum að veikindatíðnin eykst um ca. 300% við það að yngsti fjölskyldumeðlimurinn byrjar á leikskóla (meiri sýklabælin). En í gærkvöldi byrjaði Emilíana að æla. Nú ég var þess vegna hálfvakandi yfir henni í alla nótt eins og góðri móður sæmir en Gísli var að fara í vinnuna kl. 7 (annars hefði hann tekið þetta að sér, svo almennilegur alltaf):lol: En jæja ég vaknaði svo eftir stuttan nætursvefn með þvílíka velgju og hélt ég væri bara með svona mikla klígju yfir öllu þessu ælustússi en nei nei komin með ælupest líka. Svo núna sit ég bara uppi í sófa í tölvunni og hleyp svo á ca. klukkutíma fresti til að æla. Oh þetta er svo skemmtilegt! Vorkenni mér nú samt ekki mikið þar sem að maður er svo heppin (7,9, 13) að vera langoftast sprellhress og þetta líður sjálfsagt hjá í dag.</p> <p>Annars er það að frétta að ég er byrjuð í Kiss dönskuskólanum og gengur fínt. Þetta er virkilega flókið :lol:og er ég með fólki í tíma sem kann varla að segja hvað það heitir á dönsku. Það er reyndar verið að fara sérstaklega í framburðinn þannig að það er ágætt að einbeita sér að honum núna. Enda fáum við Íslendingar víst engin verðlaun fyrir að bera fram dönskuna.</p> <p>Svo er búinn að vera mikill gestagangur hjá okkur, fullt af fólki um helgina hér en reyndar voru Signý og strákarnir veðurtept í Álaborg í 2 daga og fengum við þau því miður mun styttra í heimsókn en von var á. En snjórinn (sem var gífurlegur hér - ekki!!) er sem sagt farinn og komið fínasta veður og nokkuð hlýtt bara.</p> <p>En jæja ætla að halda áfram að vera veik!!</p> <p>Takk fyrir kommentin og kveðjurnar alltaf svo gaman að lesa það.</p> <p>Læt fylgja með stutt video af litlu skvísunni:</p> <p><u><a href= "http://www.youtube.com/watch?v=bBjDatV3vlo"><font color= "#800080">http://www.youtube.com/watch?v=bBjDatV3vlo</font></a></u><a href="http://www.youtube.com/watch?v=bBjDatV3vlo"> </a></p> <p>Berglind.</p> <p> </p> <p> </p> </article> <article> <h1>Í fréttum er þetta helst...</h1> <p>Tue, 13 Feb 2007 20:12:42 GMT</p> <p>Jæja kominn tími á smá fréttir úr Íslendingahúsi sem reyndar er ekkert Íslendingahús lengur þar sem bræður okkar þeir Diddi og Hannes hafa báðir tveir svikið okkur og eru haldnir til Noregs í útlegð!</p> <p>Það er svo sem mest lítið að frétta en eitthvað þó. Það var lítið gert síðustu helgi þar sem að Emilíana er búin að vera hálfslöpp. Hún er svo sem ekki búin að vera með mikinn hita en mikið kvef og hálsbólgu. Hormagnið sem virðist ætla að koma úr þessum litla nebba er með ólíkindum. Greyið litla orðin rauð og aum fyrir neðan nebbann eftir allt "þurrkið" frá mömmu og pabba. En þetta virðist nú eitthvað vera að lagast og við vonum að hún komist á leikskólann á morgun. Hún er svo pirruð orðin á að vera svona heima litla músin. Enda er líka svoddan stuð á leikskólanum að það hefur alveg komið fyrir að hún biðji um að fá að vera lengur. Ég veit eiginlega ekki hvort er verra að hún vilji ekki fara á leikskólann eða að hún vilji ekki koma heim.:lol: Ég fór annars með hana til læknis á mánudaginn en hún var svo rauð í auganu eftir að hafa stungið maskara sem hún stal frá mömmu sinni á kaf í augað á sér. Ekki alveg búin að ná tækninni en þetta er allt að koma. Uppáhaldið hennar er að komast í þetta æðislega málningadót og gera sig "fína". Þetta sama dót er núna komið hátt upp á hillu þar sem það ætti að vera safe. Það nýjasta hjá skvísunni er annars að spyrja allar konur hvort þær séu með barn í maganum (heppilegt það). Auk þess segir hún við mömmu sína þegar hún þarf að biðja um eitthvað "ástin mín". Frekar fyndið að heyra þau orð úr svona litlum munni. Svo á hún það reyndar líka til að kalla okkur foreldra hennar ekki mömmu og pabba heldur Gísli Bumundsson og Bendlind Siugeisdóttir. Voða merkilegt hvað allir heita fullu nafni. Meira krúttið.</p> <p>Við erum annars búin að hafa það rosa gott upp á síðkastið og höfum gert ýmislegt. Ég er loksins búin að skila öllu af mér varðandi þennan blessaða skóla og útskrifast núna í lok febrúar. Jey! :lol: Finnst ég hafa endalausan tíma núna og svo gott að geta verið að slæpast án þess að þurfa að hafa samviksubit. Við vorum annars svo heppin að fá gesti um daginn en Sigga og Binni komu til okkar. Binni var í vinnuerindum hér og var tækifærið nýtt og litið við hjá okkur í leiðinni. Við höfðum það hrikalega næs með þeim þessa helgi, horfðum á HM og fleira skemmtilegt. Takk innilega fyrir komuna Sigga og Binni - og komiði bara sem fyrst aftur.</p> <p></p> <p>Í lestinni á leiðinni til Fredericia</p> <p> </p> <p>Emilíana og Ingibjörg í Ribe </p> <p>Þar síðustu helgi ákváðum við svo að skoða Danmörku. Ég heimtaði að við færum aðeins "ud pa landet" þar sem við Emilíana höfðum ekki komið út fyrir Köben og orðnar ansi óþreygjufullar að komast og skoða eitthvað. Gísli hafði líka farið á HM í Þýskalandi (Ísland-Danmörk) vikuna áður og við FREKAR spældar að vera ekki boðnar með. Þeim í liðinu var nefnilega boðið á þennnan leik og fengu meira að segja að vera í einhverju spes VIP herbergi. Já já ekki orð....hlýtur að koma að því að handballerswifes verði sýnd sú virðing sem þær eiga skilið og boðið eitthvað miklu flottara. Held þeir þarna hjá Ajax heroes (a.k.a. zeros) séu ekki alveg að átta sig á minni stöðu hérna. En nóg um það! Við fórum sem sé með lest til Fredericia og hittum þau Fannar og Árnýju sem voru svo góð að sýna okkur bæinn sinn og svo héldum við öll saman til Esbjerg þar sem við hittum Haffa, Ingibjörgu og Tryggva. Áttum þar rólegan og góðan dag og enduðum daginn á að fara til Ribe þar sem þau þrjú búa. Við gistum svo hjá þeim Haffa og Ingibjörgu í þessum yndislega bæ sem er víst sá elsti í Danmörku og minnti hann helst á Kardimommubæinn. Mæli alveg með að fólk líti við í þessum bæ. Mig langar allavega mikið til að koma þarna aftur að sumri til. Daginn eftir héldum við svo heim á leið, endurnærð eftir sveitasæluna og dekrið hjá þeim Hafsteini og Ingibjörgu. Nauðsynlegt að breyta aðeins til um helgar og æði að hafa einhvern til að heimsækja svona þegar maður hefur ekki fjölskylduna til að heimsækja um helgar. Takk innilega fyrir helgina öll, þetta var æði.</p> <p>Annars er það að frétta af Gísla stórbloggara að hann er aðeins meiddur (skýrir þó ekki bloggleysið hjá þessari elsku). Hann meiddi sig nefnilega á litlafingri í leik síðasta laugardag og er búinn að vera frekar aumur síðan. Þetta virðist þó allt vera að lagast enda eins gott fyrir hann þar sem hann er nánast einn með markið núna eftir jól og þarf að standa sig. Hann stóð sig annars prýðilega í síðasta leik og þeir gerðu jafntefli á móti Helsingor. Svo er annar leikur á morgun á móti Aarhus og verður gaman að sjá hvernig sá leikur fer.</p> <p></p> <p>Við í göngutúr í hverfinu okkar</p> <p>Þar næstu helgi er svo von á gestum til okkar en þá kemur Signý með strákana sína. Við hlökkum mikið til að sjá þau og ætlum að hafa það hrikalega skemmtilegt þessa fáu daga sem þau verða hér. Það er víst spáð 30 stiga hita og sól Signý...spurning um að mæta bara með sumarfötin (vildi að ég væri ekki að plata). 8)</p> <p>En ætli ég láti þetta ekki gott heita í bili.</p> <p>Yfir og út!</p> <p>Berglind.</p> <p> </p> <p> </p> <p> </p> </article> <article> <h1>Og ég sem hélt það væri að koma vor</h1> <p>Mon, 22 Jan 2007 09:36:59 GMT</p> <p>Fyrsti snjór vetrarins er fallinn í Köben. Ekki seinna vænna. Þó þetta sé voða kósí þá hefði ég sko alveg lifað af þótt það hefði ekkert snjóað í vetur og vorið í staðinn bara komið snemma. Mér finnst snjókoma hér eiginlega hálf tilgangslaus, engin Bláfjöll einu sinni...puff! En það er sem betur fer nægur tími til stefnu fyrir vorið að koma snemma - ennþá allavega. Annars er tíminn svo fljótur að liða að hver veit nema allt í einu sé ekkert lengur nægur tími fyrir vorið að koma snemma. En ég lifi það reyndar líka alveg af þótt tíminn líði hratt á veturna en díí hvað ég væri til í að hann stæði í stað á sumrin.</p> <p>Ohhhh hvað ég hlakka til sumarsins, ég bara get ekki beðið og ég hugsa hreinlega ekki um annað þessa dagana. Það er allt svo helmingi skemmtilegra á sumrin. Ég skoða orðið sumarmyndirnar okkar daglega og læt mig dreyma og hlakka til. Stefnan í sumar er nefnilega að fara í ferðalag í maí, hugsanlega til Ítalíu eða Krítar. Ætli við förum ekki svo til Íslands í júní og ef allt gengur eftir aftur til DK í júnílok til þess að vera tímanlega í að taka á móti nýja fjölskyldumeðliminum.:D Danmörk er líka svo æði á sumrin þannig að það verður örugglega magnað að vera hér í júlí.</p> <p>Annars er það að frétta að við erum komin aftur í okkar "venjubundna" líf hér í Köben. Emilíana að byrja aftur á leikskólanum og þarf í raun að fara aftur í aðlögun þar sem við tókum okkur svo gott jólafrí. Gísli á fullu í handboltanum og ég að fara að byrja í dönskuskóla, vei! Get ekki beðið eftir að hitta pakistanana og hina útlendingana. En nei nei þetta verður örugglega fínt. Alltaf plús að bæta við sig tungumáli allavega. En er það ekki týpískt að loksins þegar ritgerðarskrifin eru búin finn ég fyrir tómarúmi og finnst ég ekkert hafa að gera. Fyndið hvað hlutirnir eru fljótir að snúast við. Stefnan núna (plús að læra dönsku) er að finna eitthvað skemmtilegt að gera og safna vinum. :lol: En eins og það getur nú verið gaman að vera hér þá getur það líka verið ferlega einmanalegt um helgar, sérstaklega þegar er ekki gott veður. Það er nefnilega þá sem maður saknar þess svo að geta farið í heimsókn til fjölskyldu og vina. Enginn veit hvað átt hefur fyrr en misst hefur....á vel við hér og enn og aftur kemur maður að því sem er svo merkilegt, að það eru kostir og gallar við allt...í heiminum!</p> <p> </p> </article> <article> <h1>Ég hlakka svo til</h1> <p>Mon, 11 Dec 2006 10:17:18 GMT</p> <p>...fimmtudagsins. Því þá ætla ég að skila uppkasti af BA ritgerðinni minni. Ritgerðin verður auðvitað svo fullkomin að ég þarf ekkert að laga hana og get því bara útskrifast í febrúar sátt með 9,5 og þarf ekkert meira að gera en að láta prenta hana fallega út. Heppin!</p> <p>Svo kemur tengdamamma líka á fimmtudaginn. Við ætlum að hafa það notó öll saman í jólafílingnum í Köben og kannski kaupa eina eða tvær jólagjafir. Sé fyrir mér að við verðum í heitu kakói og kannski pínu jólabjór, skellum okkur í jólatívolí og jafnvel að við drögum hana á skautasvellið á Kongens Nytorv. Það er ekkert eðlilega jólalegt þar, vantar bara snjóinn.</p> <p></p> <p>Svo get ég ekki heldur beðið eftir mánudeginum því þá verður haldið heim á leið upp á Íslandið góða. Vonandi að það verði snjór. Get ekki beðið eftir að koma heim í Logafoldina og sjá allar jólaskreytingarnar og borða íslenskan mat. Mig langar svo í grjónagraut með kaldri lifrapylsu og kjöt í karrý að ég er að deyja, svo ég tali nú ekki um allan íslenska jólamatinn.</p> <p>Hlakka líka svo til að klukkan slái sex á aðfangadag. Fara í Grafarvogskirkju og anda léttar og finna jólin koma. Vera svo glöð að vera búin að gera allt og geta slakað á og heyra Egil Ólafs syngja "Ó helga nótt". Fara svo heim og borða langbestu asparsúpu í heimi og hamborgarahrygg og drífa mig rosa að ganga frá eftir matinn svo við getum byrjað að rífa utan af pökkunum. Hlakka svo til að sjá hvernig Emilíönu á eftir að finnast þetta allt saman, því nú kann hún auðvitað að tala og skilur þetta allt svo miklu betur.</p> <p>Hlakka svo til að koma og knúsa vinkonur mínar, fá þær í spilakvöld og hlægja af einhverri vitleysu með þeim.</p> <p>Hlakka líka svo til að fara í jólaboð og hitta allt yndilslega fólkið mitt. </p> <p>Og hlakka svo til að komast í íslensku sundlaugarnar og að fara í spa í Laugum með Gíslanum mínum.</p> <p>Ohhh hvað jólin eru yndisleg...svo er Ísland er líka best...um jólin allavega!</p> <p>Síðast liðna daga hefur mikið farið fyrir ritgerðarskrifum en ég hef þó gefið mér tima í ýmislegt annað líka. Fórum t.d. í litlujólaboð hjá Hannesi á laugardaginn þar sem hann eldaði hangikjöt og VIÐ elduðum jafning í fyrst skipti. Bragðaðist ekkert smá vel, vantaði bara appelsínið. Svo leit Karen við. Búin að skokka reglulega með Ásu og svo er Emilíana loksins byrjuð á leikskóla. Gengur bara ljómandi vel. Þess á milli erum við búin að vera með íslenskt útvarp og jólalög á í tölvunni með kveikt á kertum og tilheyrandi.</p> <p>Hlakka til að sjá ykkur í næstu viku.</p> </article> <article> <h1>Ógleymanleg helgi að baki</h1> <p>Wed, 22 Nov 2006 17:48:59 GMT</p> <p>Já það var sko tóm gleði frá miðvikudegi til laugardags í kóngsins Köben. Ástæðan? Jú...hópur föngulegra kvenna kom í heimsókn í Íslendingahús. Þær Anna Birna, Tinna G. og Ingalillý sáu til þess að ég varð aldrei hið minnsta þyrst þessa daga og svo illt í maganum (af hlátri - auðvitað) að ég endaði með að æla í heilan dag . Svo rosalega eftir mig var ég! :D</p> <p>Við skemmtum okkur rosa vel allan tímann. Það var djammað fram undir morgun flesta dagana, verslað, borðað, drukkið endalaust af jólabjór og svo auðvitað hlegið endalaust líka. </p> <p></p> <p>Fimmtudagskvöldið var ógleymanlegt þar sem stefnan var tekin á Grill barinn þar sem að stelpurnar lentu í marþonviðreynslu og minnti þetta helst á speed-date (eða hvað það kallast). Það komu allra kvikinda líki þarna að borðinu sem við sátum; Frakki í ógeðis karrígulri peysu með brett upp á axlir, Englendingar (hver sagði að Englendingar væru ekki handsome?), Ástralir og svo einhverjir Danir. Stelpurnar hreinlega gátu valið úr karlmönnum og ef að þetta fær þær ekki til að koma aftur þá veit ég ekki hvað gerir það. </p> <p><em>Hér að neðan má sjá karrígaurinn sem gerir sig aðeins of heimakominn :lol:</em></p> <p></p> <p>Á föstudaginn var ég heima með Emilíönu en það hlýtur að hafa verið nokkuð gaman á djamminu því sumar létu ekki sjá sig fyrr en fram undir morgun.</p> <p><em>Emilíana heima í kósístemmingu.</em></p> <p></p> <p>Laugardagskvöldið var svo tekið með trompi og átti líka að vera aðalkvöldið hjá okkur. Skelltum okkur á Umami í Sushi og tilheyrandi. Það vildi ekki betur til en Anna Birna greyið var svo hundheppin að fá ælupest inni á staðnum. Við stelpurnar gátum ekki annað en hlegið þó svo að þetta hafi auðvitað verið frekar ömurlegt. Bara óborganlegar aðstæður. Ég hefði átt að hlægja minna því daginn eftir var ég komin með pestina, upp og niður. Meiriháttar skemmtilegt! Við Ingalillý og Tinna skemmtum okkur svo reyndar mjög vel þetta kvöld þrátt fyrir fjarveru skemmtanalöggunar sjálfrar. Hefði að sjálfsögðu verið meira stuð að hafa Önnu Birnu mína en við reyndum að gera gott úr þessu. Kvöldið var tja...öðruvísi og enduðum við á því að fara á írska pöbbinn á Strikinu þar sem dansað var uppi á borðum við life tónlist. Mjög skemmtileg stemming engu að síður.</p> <p></p> <p>Sunnudagurinn fór svo eins og áður sagði í allt aðra hluti en hann átti að gera en upp úr standa frábærir dagar með frábærum stelpum. Stelpur: Emilíana þakkar líka fyrir rosa skemmtilega daga og finnst þið ógeðslega skemmtilegar og "elskar ykkur" (haha!) Er ekki annars lúxus að geta farið óáreittar á klósettið?</p> <p></p> <p>Svo að fólk haldi ekki að Gísli sé fluttur þá átti hann sem sé líka frábæra helgi. (Mætti nú alveg fara meira fyrir hans skrifum hér - sjálfur rithöfundurinn ætti nú ekki að eiga erfitt með það) Hann er sem sé ekki fluttur en fór til Íslands í brúðkaup til Jóa og Oddnýjar um helgina. Skemmti sér konunglega og átti víst frábæra helgi. Innilega til hamingju Jói og Oddný með hjónabandið!</p> <p>En nú er alvaran tekin við á ný og verður sjálfsagt nóg að gera þangað til um miðjan Desembermánuð. Ég er sem sagt á fullu í ritgerðarskrifum um þessar mundir. Gísli æfir 2x á dag og reynir þess á milli að hafa ofan af fyrir Emilíönu svo mamman geti lært. Vonum bara svo að hún fari að fá leikskólapláss, hennar vegna og okkar. :) Væri svo gaman fyrir hana að fá smá útrás í leik og svoleiðis.</p> <p>Jæja...gott í bili.</p> <p>Okkar bestu kveðjur til vina og fjölskyldu.</p> </article> <article> <h1>Þolinmæðin þrautir vinnur allar...námskeið í þolinmæði óskast!</h1> <p>Tue, 07 Nov 2006 16:11:32 GMT</p> <p>Verst hvað bloggandinn skal alltaf koma yfir mann þegar maður er reiður. Ég er nefnilega frekar brjál núna. Ástæðan? Leikskólavesen og almennur seinagangur á öllu hérna. </p> <p>Við vorum búin að bíða spennt eftir 1. nóv því þá átti Emilíana að komast inn á leikskóla. Nei nei fáum við ekki boð um einhvern krappí leikskóla sem er lengst lengst í burtu frá okkur því það var ekki laust á þessum tveim sem við sóttum um á. Meiriháttar alveg! Fyrst að við höfnuðum þessum sem okkur var boðinn þurfum við að bíða í fokking 2 mánuði eftir að vera boðinn einhver annar. Svo fer maður í þessa blessuðu kommúnu og fær misvísandi upplýsingar um allt sem maður spyr um. Dregin á asnaeyrunum um að það gæti verið laust á einum sem væri nær okkur og svo tölum við við aðra kjellingu og hún bara NEI það er sko laaaangur biðlisti á þann leikskóla og ef þið ætlið að sækja um þann leikskóla þá þurfið þið að gera nýja umsókn og fara aftast í röðina. Ef það er eitthvað sem ég þoli ekki þá er það svona, að heyra eitt hér og annað þar. Það er bara ein staðreynd og það er sannleikurinn! Helv..beiglan. Ég hefði kannski bara átt að vippa mér yfir og segja henni hver ég er. Segja henni að ég sé sko Íslendingur og þar af leiðandi búin að gera mér hugmynd um að ég geti yfirtekið heiminn og hún skuli bara láta mig fá leikskólapláss því annars mun ég bara láta Íslendingana kaupa alla leikskólana í Danmörku!</p> <p>Já díí hvað allt getur tekið langan tíma hérna. Haldiði að sé eðlilegt að þegar ofnarnir bila hjá manni að það sé bara betri leið að kaupa sér rafmagnshitaofn heldur en að tala við leigusalann og biðja hann að panta pípara. Það segir Gísli allavega en hann er bara alveg búinn að sætta sig við þennan seinagang hérna. Sé mig í anda. Óþolinmóðasta manneskja í heimi að sætta mig bara við svona rugl. Þyrfti örugglega að sitja 3ja ára námskeið hjá Búddamunkum í Tælandi um innri ró og þolinmæði til þess að læra þetta.</p> <p>Ótrúlegt hvað lífið getur verið margslungið. Í gær var ég nefnilega hamingjusamasta manneskja í heimi, fannst Danmörk æði og ætlaði liggur við aldrei að flytja heim aftur. Viðhorfið breyttist í dag...spurning hvað verður á morgun?</p> <p>En til að valda ekki misskilningi erum við að öðru leiti ofsalega happy hérna. Höfum allan heimsins tíma fyrir hvort annað og búum á frábærum stað. Okkur finnst Danmörk yndislegt land og margt við þessi rólegheit alveg frábært. Hjólamenningin er náttúrulega bara snilld. Vandamálið er sennilega bara að maður er vanur svo miklum hraða heima og finnst þannig Danirnir bara latir og vera að missa sig í rólegheitum. En auðvitað er fullt hérna sem er mikið betra en heima og öfugt (á Íslandi bjóðum við t.d. ekki upp á leikskóla í blokk með engum garði!)</p> <p>En ég er alveg við það að taka gleði mína á ný því að í næstu viku þá koma píurnar mínar; Anna Birna, Ingalillý, Tinna og Védís. Það verður sko næs hjá okkur. Ég hlakka svo mikið til. Ætlum að jólast eitthvað en Jólatívolíið verður einmitt opnað í næstu viku og svo líka jólamarkaður á Nyhavn. Svo ætlum við að borða, drekka, djamma og auðvitað slá um okkur eins og sannir ríkir Íslendingar.</p> <p>(Ég er með skipulagðar kvöldvökur og heimatilbúin skemmtiatriði öll kvöldin og svo er ég líka búin að kaupa mér tannstöngla stelpur).</p> <p>Peace out.</p> <p>Berglind.</p> <p> </p> <p> </p> </article> <article> <h1>Smá update</h1> <p>Thu, 19 Oct 2006 08:21:48 GMT</p> <p>Liðin helgi var hreint yndisleg hjá okkur. Gísli og strákarnir spiluðu leik móti Fredricia og ákváðu því að slá þessu upp í Íslendinga-handbolta-stráka-hitting sem sagt tóku vel á því nokkrir saman eftir leikinn og sumir jafnvel aðeins of vel. En það er nú önnur saga.</p> <p>Konur strákanna, Árný og Ingibjörg sáu sér leik í borði og notuðu tækifærið - brugðu sér í borgina og gistu í Hannesar íbúð. Sem sagt stelpupartý í Íslendingahúsi. Við höfðum það agalega næs - versluðum, hjóluðum og djömmuðum. Lorena var svo svo elskuleg að bjóðast til að hafa Emilíönu á laugardagskvöldið og þið getið rétt ímyndað ykkur hvað ég var lengi að þyggja það. Við ætluðum út að borða það kvöldið en átum okkur saddar af nammi áður, enda laugardagur og eins gott að nýta nammidaginn. Það kom þó alls ekki að sök því við höfðum það ansi næs heima með hvítvínið okkar. Fórum yfir til Didda og hristum aðeins upp í partýinu þar með Beyoncé og tilheyrandi ótrúlega skemmtilegri tónlist sem þó voru eitthvað misjafnar skoðanir á. But well....fórum svo á Laundromatið og djömmuðum fram eftir öllu (hmmmm þ.e. ég fór heim kl. 3.30 sem sumum finnst að fara mjög snemma heim - er hjartanlega ósammála - eintóm skynsemi!) Takk fyrir frábæra helgi stelpur, við verðum að endurtaka þetta sem allra fyrst.</p> <p>En afrek kvöldsins var nokkuð merkilegt - ég fékk mér ekki rettu, bara nicotinsprey. Haldiði að maður sé orðinn töff! En sko þetta virkaði ekkert eðlilega vel. Var svona 50 sinnum hressari daginn eftir en venjulega eftir djamm og NB- ég var að drekka hvítvín! Sko þið syndugu saumóstelpur nú mæti ég bara með 1 stk. svona sprey í bústaðinn um helgina og verðum ýkt hressar og töff á sunnudaginn. Ein fyrir alla og allar fyrir eina. 1. sept. er löngu liðinn og hefur eitthvað gerst? Ó nei.</p> <p>En já við Emilíana erum svo á leiðinni heim í kvöld. Ætlum að vera í 10 daga. Ná okkur í heimildir fyrir ritgerðina og hitta fólkið okkar. Hlökkum hrikalega mikið til.</p> <p>Sjáum ykkur vonandi sem flest.</p> <p>Luv,</p> <p>Berglind.</p> <p class="MsoNormal" style="MARGIN: 0cm 0cm 0pt"> </p> <p><span lang="IS"><strong><em><font size= "5"> </font></em></strong></span></p> <br> <br> </article> <article> <h1>Ekki bara eintóm snilld...?</h1> <p>Fri, 29 Sep 2006 20:50:03 GMT</p> <p>Já þó að það sé langofast snilld að búa hérna þá getur þetta líka orðið pínu súrt....því stundum langar manni bara hrikalega mikið að hringja í vinkonur sínar og hitta þær á kaffihúsi. Fá sér svo kannski eins og eina capri og jafnvel örlítið rauðvín með (svona til að geta haldið fram að maður sé BARA partýsmóker!) En fyrst að maður býr nú orðið í Köben verður maður annaðhvort að fá sér rettu einn eða já... fá sér bara nýjar vinkonur. Það er svo sem ekkert hlaupið að því að fá sér nýjar vinkonur. Sérstaklega þegar maður á fyrir svo skemmtilegar vinkonur að félagskapur við þær dönsku myndi sennilega verða álíka skemmtilegur og samskipti við fisk í samanburði.</p> <p>Annars er fílingurinn bara góður. Maður er óðum að komast inn í hlutina hérna. Er steinhætt að kippa mér upp við hluti eins og það að vera rekin út úr búð á slaginu sex þegar er lokað. Liggur við að dömurnar mæti inn í mátunarklefann klukkan 18.00 og hendi manni út á nellunum einum saman! Merkilega hressar þessar afgreiðsludömur hérna. Ekkert eðlilega góðar í djobbunum sínum. Spurning um að brosa bara næst og segja "you are really good at this job". Þær mundu örugglega ekki fatta "hrósið". Við Íslendingar erum kannski bara viðbjóðslega frekir eins og Gísli benti mér á um daginn og okkur finnst bara í fínu lagi að afgreiðslufólkið í búðunum vinni aðeins lengur af því að okkur dettur í hug að kaupa okkur buxur klukkan fimm mínútur í sex. Auðvitað er bara eðlilegt að fólk vilji komast heim til sín á réttum tíma. En vó slökum samt á í dónaskapnum, ekki eins og klukkan hafi verið orðin 18.05! Svo sagði Björg mér um daginn að þeir væru líka meiriháttar spes í þessum "heimsóknartíma" sínum Danirnir. Ef að manni dytti í hug að láta Emilíönu fara heim með vini einn daginn þá þyrfti það að vera ákveðið með ca. 3ja daga fyrirvara! Sjitt end fokk, eins gott að byrja að æfa sig í skipulaginu. </p> <p>En talandi um Björgu þá kom hún hingað sl. helgi. Hún gisti reyndar hjá Ásu en ég hékk nú samt slatta með þeim. Það var hreint út sagt frábært og höfðum við það m.a. næs í góðu veðri á Nyhavn, fórum út að borða á hinum fancy UMAMI og versluðum svo auðvitað líka aðeins. Frábært að kynnast Ásu og Möggu betur, á vonandi eftir að eiga góðar stundir með þeim hér í Köben. Spurning hvort Ása sé til í föstudagsreyk með mér? Haha!! Hljómar eins og þetta sé komið á alvarlegt stig.</p> <p>En að öðru...varðandi dönskuna þá er ég eiginlega ekki orðin svo sleip, en þetta er allt að koma hjá handboltahetjunni.Var einmitt að horfa á hann rétt í þessu í TV-inu að keppa við Arhus og sýndist hann hvetja sína menn óspart í vörninni, spurning samt hvort þetta hafi verið danska? Hann stóð sig annars fínt þennan tíma sem hann spilaði en samt ekki nógu vel því þeir töpuðu...súrt!</p> <p>Svo er enn ein helgin framundan. Spáð fínu veðri. Liggur við að maður sé að fá leið á sólinni og langi í séríslenskt skítaveður. Erum annars að pæla í að bregða okkur út fyrir borgina um helgina jafvel að við skellum okkur yfir til Svíþjóðar eða Þýskalands. Jú þetta kemst allavega nálægt því að vera bara eintóm snilld.</p> <p>Góðar stundir.</p> <p>Berglind.</p> </article> <article> <h1>Nýjar vinkonur í Köben</h1> <p>Sun, 17 Sep 2006 16:59:53 GMT</p> <p>Já ég er búin að eignast fullt af nýjum vinkonum hérna í Köben. Þær eru svo meiriháttar hrifnar af mér að þær bara éta mig bókstaflega. Frekar uppáþrengjandi þessar! Þið kannist örugglega við þær...þær heita mosquito! Þessar yndislegu vinkonur mínar sem hafa eiginlega aldrei áður viljað vera vinkonur mínar nema tja kannski ein til tvær á Spáni eru núna allt í einu æstar í mig. Þegar mamma og pabbi & co. voru hér fékk ég 3 stk. á ökklann. Varð svo bólgin að það var engu líkara en ég hefði lent í svakalegum íþróttameiðslum. Ahh ég veit frekar kúl! En allavega það var eiginlega ekki alveg á sig leggjandi að vera bólgin um ökklann þó það væri kúl því ég átti orðið erfitt með gang. En jæja það lagaðist nú og núna er ég bara með 3 sár sem mig klægjar ógeðslega mikið í.</p> <p>En já svo fórum við út á fimmtudagskvöldið með Lorenu og vinum hennar. Grilluðum í yndislegum garði með fólki sem allt átti það sameiginlegt að tala spænsku. Þökk sé ölinu sem ég drakk þá skyldi ég bara helvíti mikið og gat talað smá líka. Kvöldið var frábært því þetta var allt ekkert smá næs fólk og veðrið illa næs líka. Fólk kom ýmist með salat, kjöt eða vín svo var bara borðað, spjallað og hlegið. Ungir sem aldnir fóru í leikinn "að halda bolta á lofti" og var ég mjög óheppin þar að vera "íþróttameidd" og gat því miður ekki sýnt fram á mína mögnuðu Maradonatakta. Svo til þess að spilla annars fullkomnu kvöldi mættu ó-vinkonur mínar aftur og í þetta skiptið í andlitið á mér þar sem ég var svo vitlaus að covera það ekki líka eins og allan líkamann á mér. Jæja ein beit mig á ekki verri stað en augnlokið og ég er búin að líta hreint stórkostlega út síðan. Var og er s.s. öll í bólum á hálsinum og í andlitinu líka smá og var svo í þokkabót eins og ég hefði verið kýld í augað (sokkið og eldrautt -smart hmm?). Það var alls ekki kúl, sér í lagi ekki fyrir blásaklausan Gísla. En jæja þetta er sem betur fer allt að skána og gæti örugglega verið verra.</p> <p>Annars er Emilíana búin að vera hálfslöpp líka. Fékk hita á fimmtudagskvöldið en er orðin hitalaus núna. Þetta hefur sem betur fer bara verið eitthvað lítið.</p> <p>Dagurinn í gær var svo góður að flestu leiti. Strákarnir spiluðu leik í Helsingor og unnu. Gísli spilaði seinni hálfleikinn og var góður. Svo komu þeir heim strákarnir og Hannes uppgötvaði að það hefði verið farið inn um glugga hjá honum og tölvunni hans og tveim úrum stolið. Ekki sérlega skemmtileg uppákoma það! En svona er þetta....sumir kunna greinilega ekki boðorðin.</p> <p>En jæja læt þetta nægja í bili. Okkur finnst rosa skemmtilegt að fá comment og mail....og kvitt í gestapó....þó manni finnist maður sjálfur líka vel yfir meðallagi skemmtilegur.</p> <p>Kveðja,</p> <p>Berglind.</p> </article> </main></body></html>